Analiza

“Viti 2018, bumi i propagandës mediatike iraniane në Shqipëri”

               Publikuar në : 10:13 - 08/08/18 Bardhi

Nga Prof.Kristo Muzaka/Viti 2018 mund të konsiderohet pa dyshim si viti i propagandës jo vetëm për aktorët vendas që shkruajnë për çështje gjeopolitike por edhe për shërbimet diplomatike të vendeve të atashuar në Tiranë.

Duke analizuar çështjet e fundit për të cilat kolegët  kanë vendosur në plan të parë rezulton se çështja e familjarëve të ish-iranianëve në Shqipëri është pothuajse në çdo media elektronike e gazeta të shkruara.

A po përjeton Shqipëria një “luftë mediatike” ku po përdoren media të “pavarura” apo ekziston me të vërtetë perceptimi se 2018 është kthyer në vitin e luftës së propagandës iraniane?

Sipas statistikave zyrtare të institucioneve shqiptare janë mbi 100 persona të zhdukur apo të shpallur të zhdukur dhe në asnjë gazetë apo portal nuk jepen detaje, informacione mbi fatin e tyre ndërkohë shkaktohet problem madhor rasti i një iranianeje dhe prindërit e saj.

Nga njëra anë respektimi i të drejtave të njeriut të cilët prindërit dhe gazetarët pro kërkesës së prindërve po kërkojnë çdo ditë në çdo lloj forme ndërsa nga ana tjetër një vajzë si gjithë të tjerat që kërkon që fatin e saj ta vendosë vetë.

A nuk është ky rasti me eklatant i mos respektimit të drejtave të njeriut ku kërkohet nga gazetarë e portale që vajza tu bindet prindërve, urdhrave apo dëshira të tyre kundër vullneti të saj edhe pse madhore në moshën 38 vjeçare?

Kjo është propaganda iraniane që po ushqehet nga disa media shqiptare ku lajm përbën çdo lëvizje, çdo dëshirë e shtetasve të një vendi si Irani ku të drejtat e njeriut nuk respektohen, ku vajzat dhe gratë konsiderohen akoma si objekte të skllavërisë së antikitetit. Ky është modeli i jetesës, organizimit të shtetit ku duhet të aspirohen gjenerata e ardhshme shqiptare?

Organizata botërore e të drejtave të njeriut e radhit Iranin dhe disa vende të tjera të botës së tretë në vend të parë për mosrespektim të lirive dhe të drejtave themelorë të njeriut ndërsa propaganda në Shqipëri e radhit Irani ndër vendet me demokraci të konsoliduar ku lulëzon jeta modern dhe begatia.

A mund të ngrihet në piedestal ekonomia, kultura e një vendi si Irani ku vetëm mendimi ndryshe dënohet me burg dhe besimi tjetër konsiderohet vepër penale?

Atëherë lind pyetja përse gjithë këto lajme,analiza nga pseudoanalista gjeopolitikë dhe shpjegimi vjen krejt natyrshëm “propagandë” vetëm progagandë” për një vend që populli shqiptar, shoqëria shqiptare dhe në veçanti gjenerata tjetër nuk ska kurrfarë lidhje.

Pyeta një mikun tim nëse kjo nuk është propagandë dhe ai me besim të plotë mu përgjigj: “Në kohën tonë i vetmi qëllim i medias ishte të jepje fakte, ngjarje të vërteta dhe me interes për publikun ndërsa sot pseudo kolegët tanë që e mbajnë veten për gazetarë shkruajnë për çfarëdo, për interes të kujtdo dhe së fundi edhe për Iranin e begatë, për Iranin ku të gjithë shqiptarët duan të jetojnë.

Sido që të jetë, një gjë është e sigurt: Kjo nuk është më gazetari por propagandë e nxitur nga Institucionet, shërbimet Iraniane, lidhjet e afërta të tyre që bëhet për të vetmin qëllim: para, pushtet, para ndërsa pala tjetër për influencë mediatike, propagandë mjerane propaganda uzurpuese iraniane./Faktor.al

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu