U padit për shkelje, Meta flak zyrtaren e LSI-së - Tirana Today

U padit për shkelje, Meta flak zyrtaren e LSI-së

Presidenti i Republikës, Ilir Meta ka bërë lëvizje në diplomaci, ndërsa ka firmosur katër dekrete për ambasadorë. Në njoftimin e faqes zyrtare të Presidencës, shkruhet se është liruar nga detyra ambasadorja e OKB, Filloreta Kodrën dhe në vend të saj është emëruar Ravesa Lleshi.


Kodra  ka qenë ish-zyrtare e Partisë Lëvizja Socialiste për Integrim, por Presidenti Meta i ka hequr të drejtën e ushtrimit të postit të ambasadores me anë të një dekreti presidencial.

Ndaj ambasadores shqiptare  në OKB është regjistruar një kallëzim penal  nga ish-këshilltarja në Misionin Diplomatik të Shqipërisë pranë OKB-së në Gjenevë, Blerina Zoto. Në padinë e depozituar në Prokurori thuhet se ambasadorja Kodra ka bërë 9 shkelje të faktuara gjatë kohës që ishte ambasadore  e shtetit shqiptar. Ambasadorja Filloreta Kodra  ka qenë ish-zyrtare e Partisë Lëvizja Socialiste për Integrim. Kujtojmë se në kallëzim jepen prova ku ambasadorja Kodra, ka përdorur e një makine private me targa diplomatike, duke shkaktuar shpenzime në dëm të buxhetit të shtetit.

Në përdorim të këtij automjeti ka qenë një punonjëse e ambasadës Dorina Xhixho, vajza e Pirro Xhixhos ish kreut të AKEP. Kodra akuzohet edhe për abuzime në metodat dhe tenderimit, të cilat janë kryer në kundërshtim me rregullat e parashikuara nga Ministria e Financave.Ndërkohë ajo akuzohet edhe për mënyrën e pagesës ndaj punonjësve, pasi paratë nuk kalonin në bankë, por iu jepeshin në dorë punonjësve të ambasadës.Ndër të tjera theksohet se ambasadorja Filloreta Kodra, ka cenuar  banesën e ish-diplomates duke bërë ndërhyrje në kontratën e qirasë.

Dekretet e Presidenti  të Republikës, Ilir Meta

Ferit Hoxha-emërohet në detyrën e ambasadorit të Jashtëzakonshëm dhe Fuqiplotë të Republikës së Shqipërisë pranë Organizatës së Kombeve të Bashkuara për Edukimin, Shkencën dhe Kulturën (UNESCO), rezident.

Filloreta Kodra- lirohet nga detyra e ambasadorit të Jashtëzakonshëm dhe Fuqiplotë të Republikës së Shqipërisë në Misionin e Përhershëm të Republikës së Shqipërisë pranë zyrës së Kombeve të Bashkuara dhe Organizatave të tjera Ndërkombëtare në Gjenevë, rezident.

Venera Domi– lirohet nga detyra e ambasadorit të Jashtëzakonshëm dhe Fuqiplotë të Republikës së Shqipërisë pranë Organizatës së Kombeve të Bashkuara për Edukimin, Shkencën dhe Kulturën (UNESCO), rezident.

Ravesa Lleshi- emërohet në detyrën e ambasadorit të Jashtëzakonshëm dhe Fuqiplotë të Republikës së Shqipërisë në Misionin e Përhershëm të Republikës së Shqipërisë pranë zyrës së Kombeve të Bashkuara dhe Organizatave të tjera Ndërkombëtare në Gjenevë, rezident.


Kategori
PolitikëShqipëriaTë Gjitha
Ska koment

Lini koment

*

*








Të lidhura

Kthehu