Futboll

Sarri “fluturon” drejt Londrës, po Hysaj?

               Publikuar në : 21:19 - 25/05/18 Enno

Maurizio Sarri nuk do të jetë më trajner i Napolit dhe ka vazhduar kontaktet intensive me klubin e ri që do të drejtojë dhe ai do të jetë Chelsea. Roman Abramovich ka vendosur tashmë, do të jetë ish tekniku i Napolit pasuesi i Antonio Contes në stolin e Bluve të Londrës me këtë të fundit që pritet të shkarkohet zyrtarisht nga detyra pavarësisht suksesit në FA Cup. Agjentët e teknikut italian Pellegrini e Ramadani në orët e fundit kanë takuar drejtuesit e Bluve të Londrës për të diskutuar detajet e fundit.Sarri do të firmosë një kontratë 4-vjeçare me skuadrën londineze nga e cila do të përfitojë rreth 6 milionë euro në sezon, ndërkohë që i është premtuar një merkato e fuqishme dhe mbrojtësi shqiptar Elseid Hysaj mund të jetë dhurata e parë për Sarrin. Kalimi i ish trajnerit të Napolit te Chelsea tashmë është vetëm çështje orësh, teksa mungon vetëm zyrtarizimi i cili mund të vijë në orët ardhshme.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu