Kronikë

“Varroset me ceremonial një terrorist, të çmendur që provokojnë shqiptarët”

               Publikuar në : 15:22 - 08/11/18 S.N

Avokati Spartak Ngjela e ka cilësuar si një provokim ardhjen e grekëve sot në Bularat, e thirrjet e tyre ekstremiste ndaj shqiptarëve.

Duke komentuar ceremoninë mortore të Kacifas, Ngjela shkruan se një terrorist u varros me ceremonial, ndërsa të pranishmit i quan “të çmendur që nuk e dinë përse kanë ardhur”.

Ngjela përfshin në këtë koment edhe Ramën e Berishën, të cilët sipas tij mendojnë se mund të destabilizojnë Shqipërinë “me ca lapaculë anadollakë të ardhur nga Greqia”.

Avokati shkruan se të ardhurit nga Greqia janë njerëz pa vlerë që erdhën për të fyer shqiptarët, ndërsa shton se Shqipëria po shkon e sigurt drejt bashkimit gjithëshqiptar.

KOMENTI I PLOTË:

Turpi grek i Bularatit.

Varroset me ceremonial një terrorist. Njëlloj si të vrarët e Mafies apo terrorizmit ndërkombëtar.

Një ceremoni varrimi që u fillua si heroike dhe përfundoi qesharake. Ca të çmendur që bërtasin; dhe pleq të Anadollit që as vetë nuk e dinë përse kanë ardhur në Shqipëri.

Janë për të qarë hallianë. Shteti grek në krizë që vjen dhe provokon shqiptarët në Shqipëri.

Por kanë fushë veprimi nga një kryeministër pa asnjë vlerë kombëtare, që me naivitet, njëlloj si Saliu, të dy bashkë menduan se mund të destabilizonin Shqipërinë me ca lapaculë anadollakë të ardhur nga Greqia.

Asgjë nuk mund t’i bëjnë dot Shqipërisë këta njerëz pa asnjë vlerë, që vinë këtu për të fyer shqiptarët. I patë? Të çmendurit që kërkojnë antihistorinë.

Asgjë nuk iu bëjnë dot shqiptarëve, sepse gjithçka po shkon drejt bashkimit gjithëshqiptar në Ballkanin Perëndimor.

Ky turp i sotëm, do të jetë sigurisht fakt dobibrurës në ecurinë drejt rikthimit të personalitetit shqiptar në Ballkanin Perëndimor.

Janë të humbur historikë këta grekë që bërtasin sot në jerm në Shqipëri… por këtu nuk ua kanë fajin shqiptarët, por ata që në 150 vjet i kanë gënjyer për historinë e tyre të falsifikuar.

Shqipëria po shkon e sigurt drejt bashkimit gjithëshqiptar, duan apo nuk duan neoandartët qesharakë grekë.

Kthehu