Rajoni - Bota

“Madagaskari tërheq njohjen e Kosovës”, reagon MPJ: Propagandë e Serbisë

               Publikuar në : 14:37 - 07/12/18 S.N

Mediat serbe kanë raportuar se një tjetër shtet ka tërhequr njohjen e Kosovës. Sipas tyre, ministria e Punëve të Jashtme e Serbisë, ka njoftuar se Republika e Madagaskarit ka vendosur ta tërheqë vendimin e saj për njohjen e Kosovës.

“Kemi pranuar notën e Ministrisë së Punëve të Jashtme të Madagaskarit, me të cilën jemi njoftuar se me 5 dhjetor, Republika e Madagaskarit ka marrë vendim që ta tërheqë njohjen e Kosovës”, ka deklaruar ministri i Punëve të Jashtme i Serbisë, Ivica Daçiç.

Por menjëherë pas këtij lajmi ka ardhur reagimi i këshilltarit politik të ministrit të Punëve të Jashtme të Kosovës, Fatmir Haxholli. Ky i fundit përgënjeshtroi këtë lajm teksa foli për Telegrafin. Hoxholli tha se MPJ e Kosovës nuk afirmon të ashtuquajturën praktikën e çnjohjes të promovuar nga Serbia përmes lajmeve të rreme dhe propagandës që njëherësh janë tregues i pafuqisë së saj.

“Për politikën e jashtme dhe diplomacinë, është me rëndësi forcimi i lidhjeve me të gjitha shtetet duke përfshirë edhe Madagaskarin”, ka shtuar Haxholli.

Sipas tij ministri i Punëve të Jashtme, Behgjet Pacolli, është në një mini-turne në vendet afrikane dhe për momentin po qëndron në Madagaskar, ku ka takuar presidentin dhe personalitete të këtij shteti.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu