Futboll

Braçe e kthen personale me Dukën: Ditë më të mira do vijnë, por jo për ty!

               Publikuar në : 20:09 - 11/10/18 Enno

Deputeti i Partisë Socialiste, Erion Braçe ka qenë gjithmonë një zë kundër Federatës Shqiptare të Futbollit sa i përket futbollit në vendin tonë. Braçe është mjaft i njohur nga të gjithë si sportdashës dhe në parlament ditën e sotme ai ka hedhur akuza të forta ndaj Federatës në lidhje me ligjshmërinë fiskale.

Nëse në fillim e kishte në përgjithësi me gjithë Federatën, tashmë Braçe i ka kaluar në planin personal akuzat e tij. Ai ka shkruar në rrjetin social “Facebook” duke e thumbuar keq presidentin Armando Duka.

Postimi i plotë i Braçes:

ME MIRE TIFOZ SE BASTEXHI DHE EVAZOR FISKAL! POOOO, SHTETEZIM TE AKTIVITETIN TE LOJRAVE TE FATIT!

NUK ESHTE FARE ZGJIDHJE “DRASTIKE”, ESHTE MODEL NE EVROPE! EVAZIONI FISKAL I PRANUAR NGA QEVERIA I FSHF, HAPI I RADHES KALLEZIMI PENAL PER EVAZION FISKAL DHE SHPERDORIM DETYRE.

Pas seances se sotme ne Parlament, dua te them dy gjera, edhe si reagim po te doni:

E para, per Lojrat e Fatit dhe Bastet. Qysh diten e pare, shume kohe me pare se te ndermerrej iniciativa e fundit e Qeverise dhe kryeministrit Edi Rama, kam kerkuar kontrollin e plote te Qeverise mbi veprimtarine e Lojrave te Fatit.

Jo tani, por qysh atehere kam kerkuar: SHTETEZIMIN E VEPRIMTARISE SE LOJRAVE TE FATIT, LOJRAVE ELEKTRONIKE TE FATIT DHE BASTEVE, SHPALLJEN LIGJERISHT TE KESAJ VEPRIMTARIE SI MONOPOL I SHTETIT!

DOBIA PUBLIKE E PARA! Kete kerkoj edhe sot! A eshte “drastik” ky propozim? Asfare! Ka modele te tilla ne vende shume me te zhvilluara se Shqiperia! Pa me te voglin diskutim, kete propozim do ta formalizoj ne Kuvend.

Kam bindjen se, nje zgjedhje e tille do te jete zgjidhje me efektive se sa guerrilja qe parashoh mes agjencive ligjzbatuese te shtetit dhe, organizimit te paligjshem te Lojrave te Fatit ne ambjente te fshehta nga i njejti grusht personash me te shkuar e te tashme kriminale qe sot, pergjithesisht organizojne Lojra Fati.

E dyta, per evazionin fiskal dhe shkeljen e rende te ligjit “Per Sportin” ne Federaten Shqiptare te Futbollit. Me ne fund, pas 8 muajsh letra e tallje si pergjigje, ne menyren me te qarte te mundshme, u provua ne sallen e Kuvendit se;

Ka avazion fiskal ne kuptim te ligjit “Per Tatimin mbi te Ardhurat” dhe refuzim per te zbatuar ligjin “Per Sportin” ne aspektin e shlyerjes se detyrimit prej 10% te te ardhurave nga shitja e te drejtave televizive, per vite te tera me radhe, ne Federaten Shqiptare te Futbollit.

Jam thellesisht i zhgenyer se si ministria e Financave dhe Ekonomise, eshte ne dijeni prej muajsh te ketyre krimeve fiskale dhe, nuk ndermerr asnje perpjekje ligjore per te permbushur detyren ne arketimin e detyrimeve tatimore- percaktuar ne ligjin “Per Tatimin mbi te Ardhurat” dhe, detyrimeve jo tatimore- percaktuar ne ligjin “Per Sportin”.

Hapi i radhes, kallezim penal per “evazion fiskal” dhe “shperdorim te detyres”! Ligji mbi te gjithe! Po e perseris, Kallezim Penal, jo sulm per karrigen e ndyre te Armando Dukes!

E thashe edhe ne Kuvend, qofte “nderi i Kombit”, qofte “llumi i Kombit”, do paguajne deri ne qindarken e fundit detyrimet fiskale dhe ligjore qe burojne nga ligjet ne fuqi.

Boll me “Imunitetin fiskal” per te medhenjte dhe “rreptesine fiskale” vetem per fukarenjte!

VO: Armando, duhet te kesh frike nga ligji, jo nga nje tifoz si une. Une e kam bere zgjedhjen: Me mire tifoz se sa bastexhi e hajdut! E pe stadiumin bosh dje? Dite me te mira do vijne, por jo per ty!

Kthehu