Kuriozitete

92-vjeçarja realizon ëndrrën për të mësuar shkrim dhe lexim

               Publikuar në : 15:33 - 21/03/18 user

Një grua 92-vjeçare nga verilindja e Turqisë, këto ditë është duke realizuar ëndrrën e saj të fëmijërisë, që është të mësojë të shkruajë dhe të lexojë, një aftësi që nuk kishte mundur ta realizonte kur ishte fëmijë, shkruan agjencia turke e lajmeve “Anadolu Agency”.

Gullu Sarac është njëra nga tetë gratë të cilat po ndjekin kursin e shkrim-leximit në provincën Sinop, buzë Detit të Zi, që është në vazhdën e fushatës së arsimimit.

Saraç është më e moshuara e grupit, por më e përkushtuara në mësime. “Për disa vjet fëmijët e mi provuan të më mësonin (shkrim-lexim), por deri tani, unë nuk kisha vijuar procesin shkollor”, theksoi ajo.

Pasi ishte inkurajuar nga motra e saj, Saraç filloi të ndjekë procesin arsimor në godinën e shkollës fillore Gazi, çdo fundjavë.

“Më pëlqen fakti që kursi po mbahet në shkollë, sepse gjithmonë kam patur dëshirë të ulem në bankat e shkollës”, theksoi ajo duke shtuar se për një kohë të shkurtër ajo ishte aftësuar për lexim, por shpreson që me ndihmën e mësuesve të aftësohet edhe për shkrimin.

Ajo thotë se ka një dëshirë të madhe të shkruajë një listë me emrat fëmijëve, nipërve dhe mbesave të saj.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu